Кіраўніца Абʼяднанага пераходнага кабінету Беларусі Святлана Ціханоўская падтрымала масавыя пратэсты ў Венесуэле. Яны праходзяць у гэтай краіне супраць фальсіфікацыі вынікаў прэзідэнцкіх выбараў.
«Мы падтрымліваем адважны народ Венесуэлы, які патрабуе справядлівага падліку іх галасоў на нядзельных выбарах, – напісала ў сацсетках Ціханоўская. – У 2020 годзе беларусы таксама галасавалі за дэмакратычныя перамены, і сотні тысяч выйшлі на вуліцы, каб выказаць пратэст, калі дыктатар скраў нашы галасы».
Згодна з апытаннямі, прадстаўнік апазіцыі Эдмунда Гансалес упэўнена перамог на выбарах. Аднак Цэнтрвыбаркам Венесуэлы паведаміў, што ён набраў 44% галасоў, а актуальны прэзідэнт Нікалас Мадура – больш за 51%. Пратэсты праходзяць як у Каракасе, венесуэльскай сталіцы, так і па ўсёй краіне.
вс