Фільм раскажа пра Надзю і Фёдара, якія, спрабуючы атрымаць палітычны прытулак у ЗША, нечакана тэлепартуюцца назад у Беларусь, чытаем на сайце «Наша Ніва».
Дар'я Жук раней зняла свой дэбютны фільм «Крышталь». Новы фільм — гэта навукова-фантастычная сатыра «Менавіта тое, чым здаецца».
Гэты фільм, які ўяўляе сабой змрочную сатыру на сучасны аўтарытарызм, будзе зняты пры падтрымцы эстонскай кампаніі Allfilm, прадзюсарамі выступаюць Воля Чайкоўская, Іва Фелт і Віялета Крэчэтава. Сцэнар фільма заснаваны на арыгінальнай гісторыі Таццяны Заміроўскай, якая таксама выступіць суаўтарам сцэнарыя. Здымкі будуць весціся на беларускай, англійскай і рускай мовах.
Фільм раскажа пра Надзю і Фёдара, якія, спрабуючы атрымаць палітычны прытулак у ЗША, нечакана тэлепартуюцца назад у Беларусь з дапамогай загадкавай квантавай тэхналогіі, створанай навукоўцамі пад дыктатам таталітарнага рэжыму.
Праект «Менавіта тое, чым здаецца» стане працягам тэмы, паднятай у «Крышталі», дзе гераіня таксама шукала сваю ідэнтычнасць паміж роднай Беларуссю і марай аб свабодзе ў Амерыцы.
Жук падкрэслівае, што яе новы фільм даследуе тэмы таксічнай настальгіі і пошукаў ідэнтычнасці на фоне таталітарнага рэжыму.
яс