Беларускі бізнес сутыкнуся з сур’ёзным недахопам супрацоўнікаў і пакуль не знайшоў добрага рашэння гэтай праблемы, — чытаем на партале probusiness.io.
Летась колькасць вакансій на сайце rabota.by павялічылася на 42,5%, а сёлета — на 24%. Колькасць адпраўленых рэзюмуе ў мінулым годзе падала, у гэтым годзе адбыўся прырост на 22%. Працадаўцы вымушаныя падымаць заробкі. Цяпер самы мінімальны ўзровень беспрацоўя — 2,9%. Колькасць рэзюмэ расце, але кандыдатаў па-ранейшаму не стае.
Беларусы хочуць большых заробкаў, а працадаўцы мяркуюць, што і так плацяць дастаткова. Паводле вынікаў даследавання rabota.by, задаволеныя ўзроўнем свайго даходу 20%, а не задаволеныя — 58%. Найбольш незадаволеных сярод спецыялістаў (60,6%), галоўных спецыялістаў (59%), рабочых (58,3%). Незадаволеных сваімі заробкамі кіраўнікоў — 53%.
Разам з тым амаль палова апытаных была б задаволеная, каб ім плацілі ад 2,4 да 4 тысяч беларускіх рублёў.
эж