Больш за 3 тысячы беларусаў пазбаўленыя бацькоўскіх правоў, паведамляе «Еўрарадыё». За 2024 год такіх стала больш на 350 чалавек, і гэта рэкордны за 10 гадоў паказчык.
Згодна з лічбамі Белстата, на 2024-м пазбаўленымі бацькоўскіх правоў былі 3155 чалавек. У 2023-м іх было 2776. А ў 2020-м — 2,5 тысячы.
З 2020-га пазбаўленне бацькоўскіх правоў ці пагроза гэтым стала адным са шматлікіх спосабаў рэжыму ціснуць на нязгодных з палітыкай Лукашэнкі беларусаў, нагадвае «Еўрарадыё».
Крыніца: «Еўрарадыё»/юл