Былы супрацоўнік ваеннай разведкі, падпалкоўнік Мацей Морыц растлумачыў у эфіры Польскага радыё 24, што ўнутраная канстытуцыйная спрэчка можа негатыўна паўплываць на міжнародную бяспеку Польшчы.
— Мы маем дачыненне з сітуацыяй, якая ўплывае на кіраванне дзяржавай, на спосаб успрыняцця яе на міжнароднай арэне. Калі мы будзем засяроджваць сваю палітыку на ўнутраных спрэчках, то з гарызонта знікаюць важныя справы, у тым ліку з пункту гледжання нашай бяспекі. Гэта эфект, на які разлічваюць нашы праціўнікі: узнікненне сітуацыі, калі працэс прыняцця рашэнняў у дзяржаве паралізаваны.
Анджэй Пачобут у сваіх сацыяльных сетках адзначыў незвычайную цікавасць, якую праяўляюць Мінск і Масква да падзей у Польшчы.
— Выбух радасці ў беларуска-расійскай прапаганды было лёгка прадказаць. Чым большы палітычны хаос у Польшчы, тым большая іх задаволенасць. Яны не падтрымліваюць ні адзін з бакоў у спрэчцы вакол Канстытуцыйнага суда. Іх цікавасць іншая: падсілкоўваць канфлікт. Чым больш мы пасвараныя адзін з адным, тым лепш для іх, — напісаў Анджэй Пачобут на партале X.
ав
Пратэстоўцы побач з будынкам Канстытуцыйнага суда