5 траўня па ўсім свеце адзначаецца Міжнародны дзень барацьбы за правы людзей з інваліднасцю. У гэты дзень у зняволенні ў Беларусі знаходзіцца мінімум дзевяць палітзняволеных з інваліднасцю, паведамляе ПЦ «Вясна».
У гэты спіс уваходзяць:
- Аляксандр Кісель (прымусовае псіхіятрычнае лячэнне)
- Аляксандр Парэцкі (асуджаны на тры гады)
- Сяргей Франчук (чатыры гады)
- Уладзімір Гундар (20 гадоў)
- Марэт Валюк (тэрмін невядомы)
- Ігар Шумілаў (чатыры гады і шэсць месяцаў)
- Галіна Дзербыш (20 гадоў)
- Аляксандр Краўчук (чатыры гады і шэсць месяцаў)
- Станіслаў Таспаеў (чатыры гады)
Некаторыя людзі з інваліднасцю былі вызваленыя пасля некалькіх хваляў памілавання. З ліпеня 2024 года па студзень 2025-га ў Беларусі адбылося дзесяць хваляў памілаванняў, у выніку якіх на волю выйшлі больш за 250 палітвязняў.
Паводле падлікаў праваабарончага цэнтру «Вясна», у Беларусі налічваецца 1196 вязняў сумлення.
эж