Вядомая беларуская кампанія Regula («Регула»)нарошчвае прысутнасць на польскім рынку, паведамляе «Наша Ніва» са спасылкай на эканамічнага аглядальніка Вадзіма Сяховіча.
Летась выручка кампаніі Regula Poland вырасла амаль на траціну ў параўнанні з 2023 годам (з 5,8 млн да 8,1 млн злотых). Кампанія была зарэгістраваная ў Варшаве ў 2022 годзе. І гэта – самы малады офіс Групы кампаній Regula.
Кампанія Regula – адзін з найбуйнейшы вытворцаў прыладаў для праверкі сапраўднасці дакументаў, грашовых знакаў і каштоўных папер.
60% Regula Poland на роўных валодаюць заснавальнікі групы (створаная ў 1992 годзе ў Мінску) Іван Шумскі і Юрый Рагажынскі. Іх партнёры па польскім бізнесе – Дзяніс Туркоў і Ігар Кляшчоў. У выдзелены ў 2020-х заходні сегмент бізнесу Івана Шумскага і Юрыя Рагажынскага таксама ўваходзіць вытворчая пляцоўка Regula Baltija ў Даўгаўпілсе ў Латвіі (створаная ў 2005 годзе як зборачнае прадпрыемства для заходніх рынкаў) і дыстрыбутарскія кампаніі ў ЗША, Германіі, Нідэрландах і Бразіліі.
Як звярнуў увагу Сяховіч, у канцы 2024 года, стаўшы рэзідэнтам Ізраіля, Іван Шумскі давёў сваю долю ў даўгаўпілскай кампаніі Regula Baltija да кантрольнай. Яму належыць у ёй ужо 61,42%. У раней усюды раўнапраўнага партнёра Юрыя Рагажынскага доля ў латвійскай фірме скарацілася да 18,57%.Астатнім пакетам валодаюць рэзідэнты Латвіі Алена, Карына і Эмілія Яўнземе.
У Беларусі ўсё яшчэ дзейнічаюць юрыдычныя асобы (пры не працуючым сайце) кампаніі «НПП Рэгула» і «Рэгула».
У Расіі Regula Baltija выйшла з саўладальнікаў былой даччынай кампаніі «Рэгула-Русь» у 2022 годзе – яшчэ да пачатку ўварвання расійскіх войскаў ва Украіну.
Новыя ўласнікі «Рэгула-Русь» не раскрываюцца. Але маскоўская фірма працягвае працаваць пад гэтай назвай пад кіраўніцтвам мясцовага былога партнёра Шумскага і Рагажынскага Леаніда Гапотчанкі.
Паводле вынікаў 2024 года, даход «Рэгула-Русь» вырас на 42,23% і ў эквіваленце склаў 1,25 мільёна долараў.
аз