Новыя пошліны ўступяць у сілу ў наступным месяцы. Рашэнне было прынята ў Люксембургу на сустрэчы міністраў ЕС. Зялёнае святло некалькі тыдняў таму даў Еўрапейскі парламент.
У камюніке адзначаецца, што «ўкараненне гэтых тарыфаў будзе старанна кантралявацца, каб гарантаваць абарону галіны ўгнаенняў і фермераў ЕС».
Пра гэта паведаміла еўрадэпутат ад Латвіі Інэсэ Вайдэрэ, дакладчыца па справе аб санкцыйных тарыфах: «Гэта важны крок на шляху да спынення падсілкоўвання расійскай ваеннай машыны».
Вось як пракаментаваў рашэнне міністр па еўрапейскіх справах Польшчы Адам Шлапка: «Гэта сур'ёзны ўдар па Расіі, расійскай эканоміцы, а таксама па Беларусі, але гэта таксама ўмацоўвае канкурэнтаздольнасць еўрапейскай эканомікі».
Санкцыйныя пошліны змяншаюць залежнасць ЕС ад паставак з Расіі і Беларусі. Еўрасаюз больш не будзе адчувальны да шантажу з боку абодвух рэжымаў.
А ў выпадку з угнаеннямі яны падтрымліваюць еўрапейскую прамысловасць, якую заціскаў прыток танных угнаенняў з Расіі і Беларусі. Гэта важна для Польшчы, якая зʼяўляецца адным з найбуйнейшых вытворцаў. Тарыфы будуць павышацца паступова на працягу трох гадоў, таму што еўрапейскі рынак прызвычаіўся да новай сітуацыі.
IAR/вх