Лідарка дэмакратычных сілаў Беларусі Святлана Ціханоўская заявіла, што любая дамова з Расіяй павінна адбывацца з удзелам ЕС, бо яна датычыць усяго еўрапейскага рэгіёну, у тым ліку Беларусі і Малдовы.
Заява прагучала на фоне паведамленняў пра сустрэчу Доналда Трампа і Уладзіміра Пуціна 15 жніўня на Алясцы, дзе, імаверна, абмяркуюць спыненне баявых дзеянняў ва Украіне. Удзел украінскіх і еўрапейскіх прадстаўнікоў пакуль не плануецца.
«Мы не павінны дазволіць Маскве будаваць сваю сферы ўплыву», — падкрэсліла Ціханоўская.
Дэмакратычныя сілы Беларусі асцерагаюцца што краіну могуць аддаць «як суцяшальны прыз» Уладзіміру Пуціну. Нагадаем, надоечы Офіс Святланы Ціханоўскай прапанаваў ЗША правесці круглы стол з удзелам беларускіх дэмакратычных сіл і ўлады для пошуку мірнага вырашэння крызісу ў Беларусі.
эж