Рашэнне аб новых санкцыях супраць расійскага вайскова-прамысловага комплексу і яго партнёраў прыняла 16 жніўня Рада нацыянальнай бяспекі і абароны Украіны.
Рашэнне ўвялі ў дзеянне ўказам Уладзіміра Зяленскага. У паведамленні прэс-службы прэзідэнта Украіны гаворыцца, што беларускія прадпрыемствы пастаўляюць Расіі электроніку.
Украіна ўключыла Мінскі завод шасцерняў і Мінскі прыборабудаўнічы інстытут у санкцыйны пакет супраць вытворцаў і пастаўшчыкоў дронаў
Агулам украінскія абмежаванні закранулі 39 фізічных асоб і 55 кампаній (43 расійскіх, 10 кітайскіх, 2 беларускія).
Санкцыі прадугледжваюць 16 відаў абмежаванняў, у тым ліку блакаванне актываў, гандлёвых аперацый, забарону на ўдзел у закупках, прыватызацыі, арэнду маёмасці на тэрыторыі Украіны, скасаванне візітаў, паседжанняў, перамоваў у пытаннях складання дамоваў і пагадненняў.
вх