Сёлета ў жніўні на Віцебшчыне зафіксаваная рэкордная колькасць даўжнікоў сярод раённых аграсэрвісаў. З 16 райаграсэрвісаў вобласці – 10 прадпрыемстваў не змаглі пагасіць абавязкі па падатках у першы тыдзень жніўня. У папярэднія месяцы спіс даўжнікоў сярод аграсэрвісаў быў у разы менш.
Так, у Талачынскім раёне пачалася ліквідацыя сельгаспрадпрыемства «Зорны-АГРА». Па выніках 2024 прадпрыемства спрацавала ў мінус. Для Талачынскага раёна гэта ўжо другая гаспадарка, якую падалі на ліквідацыю ў 2025 годзе. Усяго на Віцебшчыне, з пачатку года, 14 сельгаспрадпрыемстваў сталі банкрутамі ці былі ліквідаваны.
Для Беларускай службы Польскага радыё Святаслаў Бруйко, Віцебск