Суд у Гомелі прыгаварыў пастара царквы хрысціян веры евангельскай Алега Лойку да 3,5 гадоў калоніі па «справе Беларускага Гаюна», пра гэта піша праект «Хрысціянская візія».
Алега Лойку асудзілі па артыкуле аб садзейнічанні «экстрэмісцкай дзейнасці» (артыкул 361-4 КК) за прадастаўленне маніторынгаваму праекту «Беларускі Гаюн» інфармацыі аб перамяшчэнні расійскай ваеннай тэхнікі.
На судзе пастар віну не прызнаў. Як піша «Хрысціянская візія», ён «лічыць сваё сумленне чыстым перад богам».
У лютым 2025 года стала вядома аб тым, што невядомыя атрымалі доступ да чата маніторынгавага праекта «Беларускі Гаюн», які публікаваў інфармацыю аб перамяшчэнні расійскіх войскаў па тэрыторыі Беларусі, пралётах авіяцыі і беспілотнікаў. Пасля гэтага праект спыніў працу. На жнівень 2025 года вядома як мінімум пра 40 затрыманых па гэтай справе (праваабаронцы зазначаюць, што ў рэальнасці затрыманых можа быць больш).
вх