Ірына Халіп паведаміла на сваёй старонцы ў Facebook, што 27 лістапада ў яе бацькоў, якія жывуць у Мінску, адбыўся вобшук. Сілавікі паказалі пастанову, з якой вынікала, што падстава для вобшуку – крымінальная справа ў дачыненні да журналісткі. Артыкул невядомы, справу распачала Наваполацкая пракуратура.
Міліцыянты дапыталі маці Халіп Люцыну Бяльзацкую, якой 89 гадоў.
Ірына Халіп – жонка кандыдата ў прэзідэнты Беларусі на выбарах 2010 года Андрэя Саннікава. Вясной 2011 года журналістцы прысудзілі 2 гады пазбаўлення волі з адтэрміноўкай выканання пакарання на той жа перыяд у справе аб «масавых беспарадках» у Мінску ў снежні 2010 года.
Цяпер Ірына Халіп жыве па-за межамі Беларусі.
вх