Дзейны дазвол на пражыванне ў Літве на 1 ліпеня 2026 года мелі 48.613 грамадзян Беларусі, сведчаць статыстычныя даныя Дэпартамента міграцыі пры Міністэрстве ўнутраных спраў гэтай балтыйскай дзяржавы.
Праведзены «Позіркам» аналіз паказаў, што за месяц іх колькасць зменшылася на 313, або на 0,64% (на 1 чэрвеня — 48.926), з пачатку 2026 года — на 1.673, або на 3,33% (на 1 студзеня — 50.286), у гадавым вымярэнні — на 3.674, або на 7,03% (на 1 ліпеня 2025-га — 52.287), да 1 ліпеня 2024-га — на 13.922, або на 22,26% (62.535).
аз