За тыдзень 36 беларусаў вярнуліся ў Беларусь з Польшчы ў адпаведнасці з рашэннем польскіх улад

Гэтыя асобы маглі ствараць пагрозу нацыянальнай бяспецы, а таксама грамадскай бяспецы і парадку.

36 беларусаў вярнуліся ў Беларусь з Польшчы па прадпісанні польскіх улад.

Фота: Straż Graniczna

Амаль 260 замежнікаў пакінулі Польшчу на мінулым тыдні — з 24 па 30 жніўня. Яны выехалі з краіны ў адпаведнасці з рашэннямі аб вяртанні.

Od 24 sierpnia do 30 sierpnia blisko 260 cudzoziemców opuściło Polskę na podstawie decyzji o zobowiązaniu do powrotu.
✅Dobrowolne zobowiązania do powrotu najczęściej realizowali obywatele:
🔸 Ukrainy (39),
🔸 Białorusi (36),
🔸 Gruzji (15).

✅Przymusowo Polskę opuściło… pic.twitter.com/aSLhMdzT35

— Straż Graniczna (@Straz_Graniczna) August 31, 2026

Больш за палову з іх пакінулі Польшчу добраахвотна. Часцей за ўсё такія абавязацельствы выконвалі грамадзяне Украіны — 39 чалавек, Беларусі — 36 і Грузіі — 15.

Яшчэ частка замежнікаў была вымушаная пакінуць Польшчу прымусова. Сярод іх найбольш было грамадзян Украіны — 37 чалавек, Калумбіі — 12 і Грузіі — 10.

Як паведамляюць польскія ўлады, сярод асоб, у дачыненні да якіх прымяняліся рашэнні аб вяртанні, былі людзі, якія дапамагалі незаконна перасякаць польскую мяжу, удзельнічалі ў нападах, кіравалі аўтамабілем без адпаведных правоў, здзяйснялі рабаванні або захоўвалі наркотыкі.

Паводле польскага боку, гэтыя асобы маглі ствараць пагрозу нацыянальнай бяспецы, а таксама грамадскай бяспецы і парадку.

нг