Як адзначаецца на сайце Венецыянскага фестывалю, фільм «Лісты з маўклівай краіны» беларускага дакументаліста Андрэя Куцілы, які расказвае гісторыі людзей, чыё жыццё змянілі рэпрэсіі, турма і выгнанне, атрымаў прэмію Golden Globes Impact Prize for Documentary (прыз за сацыяльны ўплыў у дакументальным кіно ад «Залатога глобуса» ў катэгорыі дакументальнага кіно) — піша Радыё Свабода.
Дакументальную прэмію ўплыву «Залатога глобуса» (Golden Globes Impact Prize for Documentary) уручаюць на Венецыянскім фестывалі ў якасці незалежнай узнагароды (Collateral Impact Award).
Гэтай прэміяй адзначаюць поўнаметражныя дакументальныя фільмы з афіцыйнай праграмы фестывалю, якія дэманструюць выдатнае мастацкае майстэрства і адначасова ўздымаюць найважнейшыя, вострыя сацыяльныя праблемы, заклікаючы да культурных змен.
нг