Міністр замежных спраў Яцэк Чапутовіч заявіў, што Польшча павінна ўзмацніць боегатоўнасць у сувязі з агрэсіўнай палітыкай Расіі.
«Прысутнасць амерыканскіх войск у Польшчы мае ролю нашмат большую, чым іх прысутнасць на Захадзе», – заявіў міністр замежных спраў Польшчы Яцэк Чапутовіч у інтэрв'ю нямецкаму інфармацыйнаму агенцтву DPA. Кіраўнік польскага знешнепалітычнага ведамства выказаў спадзяванне, што падрабязнасці наконт павелічэння кантынгенту амерыканскіх салдат у Польшчы стануць вядомыя падчас візіту ў Варшаву прэзідэнта ЗША Дональда Трампа ў верасні.
Міністр Чапутовіч сказаў, што дзеянні Расіі выклікаюць у Польшчы занепакоенасць. Паводле яго слоў, «Польшча павінна быць гатовая да таго, што расіяне і надалей будуць парушаць міжнароднае права ды весці агрэсіўную палітыку».
На думку кіраўніка МЗС РП, павелічэнне колькасці амерыканскіх войск у Польшчы значна павысіць узровень бяспекі краіны.
вс