Былая сенатарка ад кіроўнай партыі „Права і справядлівасць” Анна Марыя Андэрс атрымала намінацыю на пасаду амбасадара Польшчы ў Італіі і Сан-Марына, паведамілі ў Міністэрстве замежных спраў.
Анна Марыя Андэрс - дачка генерала Уладзіслава Андэрса. У 2015 годзе яна беспаспяхова балатавалася на выбарах у Сенат. Мандат атрымала ў 2016 годзе пасля дапаўняльных выбараў.
У студзені 2016 года яна стала ўпаўнаважаным прэм'ер-міністрам па пытаннях міжнароднага дыялогу і старшынёй Савета аховы памяці баёў і пакутніцтва. Гэтую функцыю яна займала 2 месяцы.
У чэрвені бягучага года яе адклікалі з гэтых пасадаў у сувязі з планамі прызначэння на пасаду пасла. У канцы жніўня Анна Марыя Андэрс адмовілася ад мандату сенатара.
аз