Польшча пераконвала ЗША да новага адкрыцця ў адносінах з Беларуссю, паведаміў кіраўнік Адміністрацыі прэзідэнта Польшчы Анджэя Дуды. Кшыштаф Шчэрскі (Krzysztof Szczerski) пракамэнтараваў учарашні візіт Джона Болтана ў Беларусь.
- Я рады, што нам удалося пераканаць амерыканскі бок. Я не ўтойваю, што мы даўжэйшы час размаўлялі з прадстаўнікамі ЗША пра сітуацыю ў Беларусі. Таму я вельмі рады, што гэткі візіт адбыўся. Будучыня Беларусі, як незалежнай дзяржавы і нашага суседа, для нас вельмі важная. Таму ўчарашнія кансультацыі Джона Больтана - важная падзея.
Кшыштаф Шчэрскі дадаў, што ўчарашні візіт у Беларусь будзе абмяркоўвацца таксама сёння. Нагадаем, у Варшаве з дарадцам прэзідэнта ЗША па нацыянальнай бяспецы Джонам Болтанам сустракаецца кіраўнік Міністэрства нацыянальнай абароны Марыюш Блашчак (Mariusz Błaszczak).
аз