7 чэрвеня 2020 года ў Варшаве на плошчы Пілсудскага адбудзецца беатыфікацыя кардынала Стэфана Вышыньскага. Цырымонію будзе ачольваць папскі пасланец, прэфект Кангрэгацыі Святых кардынал Джавані Анджела Беччу.
Пра гэта сёння падчас брыфінгу ў Доме архібіскупаў у Варшаве паведаміў кардынал Казімір Ныч (Kazimierz Nycz). Ён нагадаў, што 7 чэрвеня каталікі адзначаюць Свята падзякі.
- Мы хочам, каб Дзень падзякі, які ўжо традыцыйна святкуецца 1 чэрвеня цяпер быў спалучаны з беатыфікацыяй кардынала Вышыньскага. Гэта будзе дадатковая, цудоўная нагода для падзякі.
Падчас брыфінгу быў прадстаўлены лагатып беатыфікацыі. Сёння ў Інтэрнэце таксама быў запушчаны афіцыйны сайт па справе беатыфікацыі кардынала.
У пачатку кастрычніка Апостальская Сталіца абвясціла, што папа Францішак ухваліў указ, які адкрывае шлях да беатыфікацыі кардынала Стэфана Вышынскага.
аз