Праз эпідэмію каранавіруса рэгіянальныя цэнтры донарства крыві апынуліся ў цяжкім становішчы. Амаль удвая скарацілася колькасць донараў. Нацыянальны цэнтр крыві заклікаў палякаў адгукнуцца на недахоп донараў. Адклікнуліся, у прыватнасці, жаўнеры Войскаў тэрытарыяльнай абароны і курсанты Ваеннай акадэміі.
Напрыклад, дзейнасць рэгіянальнага цэнтру донарства ў Варшаве падтрымліваюць салдаты 6-й Мазавецкай Брыгады Тэрытарыяльнай Абароны. Малодшы лейтэнант Ёланта Мацяшэй з камандавання брыгады паведаміла, што пра гатовасць здаць кроў заявілі некалькі дзясяткаў жаўнераў тэрытарыяльнай абароны:
-Сёння нашы салдаты аддаюць кроў у Радаме і ў Плоцку. Чарговыя добраахвотнікі далучацца да акцыі ў панядзелак у Варшаве. Такім чынам мы хочам падтрымаць медычныя службы і людзей у патрэбе.
Салдаты Мазавецкай брыгады ўжо шмат месяцаў падтрымліваюць рэгіянальныя цэнтры Донарства крыві. Летась яны аддалі 125 літраў крыві.
Тым часам у Польшчы было праведзена 13 тысяч тэстаў на наяўнасць каранавіруса. Станам на 20 сакавіка было выяўлена 378 выпадкаў захворвання, шэсць з іх скончыліся лятальна.
IAR/эж