Беларуская Служба

У Польшчы агучылі магчымую дату адкрыцця межаў

28.05.2020 12:00
Канчатковае рашэнне будзе прымаць старшыня Саўміну Матэвуш Маравецкі пасля ацэнкі эпідэміялагічнага рызыка.
Zdjęcie ilustracyjne
Zdjęcie ilustracyjneShutterstock / ASkwarczynski

Намеснік міністра дзяржаўных актываў Польшчы Артур Собань заявіў, што адкрыццё межаў можа адбыцца 15 чэрвеня. Палітык дадаў, што гэта будзе карысна для польскіх транспартных кампаніяў, у прыватнасці, для нацыянальных авіялініяў LOT. Артур Собань удакладніў, што канчатковае рашэнне будзе прымаць старшыня Саўміну Матэвуш Маравецкі, пасля ацэнкі эпідэміялагічнай рызыкі.

Памежны кантроль на ўнутранай мяжы з краінамі Еўразвязу быў уведзены ў Польшчы сёлета 15 сакавіка. Тэрмін іх дзеяння некалькі разоў падаўжаўся. У адпаведнасці з распараджэннем міністра ўнутраных спраў і адміністрацыі, пачынаючы з 12 траўня праверкі падоўжаны да 12 чэрвеня.

PR/эж