З 2016 года Польскае агенцтва інвестыцый і гандлю падтрымала 70 інвестыцыйных праектаў з ЗША. Кіраўнік агенцтва ў Вашынгтоне Барташ Шайда(Bartosz Szajda), заявіў, што павышанай зацікаўленасці амерыканскага бізнесу інвестыцыямі ў Польшчы спрыяе эканамічная стабільнасць польскай дзяржавы.
- Бізнес вельмі добра адрэагаваў на чарговую сустрэчу прэзідэнтаў Анджэя Дуды і Дональда Трампа. Буйныя амерыканскія інвестары патрабуюць гарантыяў стабільнасці і бяспекі ў даўжэйшай перспектыве, а Польшча, дзякуючы рашэнням, прынятым цягам апошніх гадоў, выпрацавала менавіта гэткую пазіцыю. Гэта вельмі важнае, паколькі Польшча мае шмат моцных канкурэнтаў у рэгіёне. У выпадку амаль кожнага праекту, за які змагаецца агенцтва, разглядаюцца таксама некалькі канкурэнтных прапановаў ад нашых суседзяў.
Барташ Шайда дадаў, што неацэнным саюзнікам дзейнасці Польскага агенцтва інвестыцый і гандлю ў ЗША з'яўляюцца прадстаўнікі польскай дыяспары.
Нагадваем, сёння ў Вашынгтоне сустракаюцца лідары Польшчы і ЗША. Паводле Белага дома, акрамя ваенных пытанняў, размовы будуць прысвечаны пытанням гандлю, энергетыкі і бяспекі сетак электрасувязі.
аз