Беларусы, якія пражываюць у польскай балтыйскай агламерацыі (Гданьск, Гдыня, Сопат), вывесілі вялікі бел-чырвона-белы сцяг на гданьскім мосце імя Яна Паўла ІІ.
Згаданы мост праз Віслу з'яўляецца адным з найбольшых падвесных мастоў у Польшчы, падвешаных на адным пілоне.
Удзельнікі мерапрыемства знялі фільм з падзеі з дрона, які можна ўбачыць у інтэрнэце.
Такім чынам беларусы польскага Паморʼя адзначылі 30-годдзе незалежнасці Беларусі. Нагадаем, 27 ліпеня 1990 года Вярхоўны Савет БССР прыняў Дэкларацыю аб дзяржаўным суверэнітэце БССР.
вс