Таксама прадугледжаныя штогадовыя стажыроўкі ў Варшаве ў рамках стыпендыяльнай праграмы імя Каліноўскага.
Пры SEW UW таксама працуе Цэнтр беларускіх даследаванняў, у якім працуюць, у прыватнасці, даследчыкі, звольненыя з беларускіх ВНУ па палітычных матывах.
«Варшаўскі ўніверсітэт мае намер запрасіць да супрацоўніцтва яшчэ выкладчыкаў і даследчыкаў з Беларусі», – заявіў прафесар Марцін Палыс.
Як тлумачыцца на сайце Цэнтра Усходняй Еўропы пры Варшаўскім універсітэце, у сувязі з бягучай сітуацыяй у Беларусі чакаецца павелічэнне колькасці рэпрэсаваных студэнтаў. Такія людзі змогуць атрымаць дапамогу.
Заяўкі прымаюцца з 31 жніўня 2020 года бесперапынным рэжыме, пакуль не будзе дасягнуты ліміт месцаў.
Усе дадзеныя, якія тычацца фармальных патрабаванняў і неабходных дакументаў, утрымліваюцца ў тэчках праграмы, даступных на вэб-сайце Цэнтра Усходняй Еўропы пры Варшаўскім універсітэце www.studium.uw.edu.pl.
алв