Сёння ў Канцылярыі прэм’ер-міністра Польшчы Матэвуша Маравецкага пройдзе сустрэча ўсіх палітычных сілаў па справе Беларусі. Кіраўнік ураду пазнаёміць з актуальнай сітуацыяй за ўсходняй мяжой Польшчы і з дзеяннямі, якія ажыццяўляе польскі ўрад дзеля падтрымкі беларускага народа. Пра чаканні апазіцыі адносна сустрэчы нам расказаў Міхал Шчэрба, дэпутат ад «Грамадзянскай Кааліцыі»:
- Мы збіраемся на гэтую сустрэчы з патрабаваннем спрашчэння візавага рэжыму. У сітуацыі калі шмат асобаў шукае дапамогі ў Польшчы і краінах Еўразвязу, гэта вельмі важнае пытанне. Мы хочам таксама даведацца пра лёс сродкаў накіраваных прэм’ер-міністрам на дапамогу беларусаў – гаворым пра 50 мільёнаў злотых.
Польскія партыі ў Сейме, нягледзячы на розныя праграмы і погляды, па пытанні Беларусі ад пачатку праяўляюць салідарнасць і жаданне супрацоўнічаць.
аев