Прэзідэнты Польшчы, Літвы і Румыніі выступілі з сумеснай заявай, у якой заявілі пра гатоўнасць падтрымаць беларусаў у ажыццяўленні дэмакратычных рэформаў. Гаворка ідзе пра дэмакратычна абраныя органы ўлады, свабодную грамадзянскую супольнасць, рынкавую эканоміку і вяршэнства закона.
У сваёй заяве лідары заклікалі міжнародную супольнасць далучыцца да Еўрапейскага Саюза і яго членаў, каб сумесна падрыхтаваць пакет дапамогі для Беларусі
Кіраўнікі Польшчы, Літвы і Румыніі запэўніваюць, што яны - як члены Еўрапейскага Саюза - выступаюць за свабоду, развіццё дэмакратыі, свабодныя выбары ў Беларусі і яе суверэнітэт.
Яны прапанавалі свой вопыт у правядзенні палітычных і эканамічных рэформаў.
„Мы лічым, што ў рамках падтрымкі беларусаў Еўрапейскі Саюз - як эканамічная магутнасць - павінен прапанаваць дапамогу ў трансфармацыі беларускай эканомікі”, - напісалі палітыкі.
На іх думку, прапановы павінны ўключаць, у прыватнасці, бязвізавы рэжым з Беларуссю пасля выканання неабходных умоў і павелічэнне прысутнасці Беларусі ў міжнародных фінансавых інстытутаў.
аз