Намеснік спікера Сейма Рышард Тарлецкі (Ryszard Terlecki) паведаміў, што шмат сведчыць пра тое, што старшыня кіроўнай партыі „Права і справядлівасць” стане членам ураду. Тарлецкі дадаў, што Яраслаў Качыньскі, хутчэй за ўсё, зойме пасаду віцэ-прэм'ера:
- Шмат сведчыць пра тое, што ён (Яраслаў Качыньскі- рэд.) стане членам ураду, якога склад будзе абвешчаны паводле адпаведных працэдураў і ў адпаведным часе. Сёння і заўтра кіраўніцтва партыі зацвердзіць канчатковы кшталт урадавай кааліцыі. Тады застанецца толькі адзін крок да фарміравання ўраду пасля рэканструкцыі.
Віцэ-спікер Сейма дадаў, што Яраслаў Качыньскі стане кіраўніком Камітэта па бяспецы і будзе курыраваць міністэрствы: юстыцыі, абароны і ўнутраных спраў і адміністрацыі.
аз