X
Паважаны карыстальнік!
25 траўня 2018 году ўвайшло ў сілу Распараджэнне Еўрапейскага парламента і Еўрапейскага савета (ЕС) 2016/6/79 за 27 красавіка 2016 (RODO). Прапануем азнаёміцца з інфармацыяй пра апрацоўку асабістых дадзеных на сайце Polskieradio.pl
1.Адміністратарам асабістых дадзеных з'яўляецца Polskie Radio S.A з сядзібай у Варшаве, Al. Niepodległości 77/85, 00-977 Warszawa
2.Па пытанню, звязаным з вашымі дадзенымі, звяртайцеся да Інспэктара аховы асабістых дадзеных па электроннай пошце iod@polskieradio.pl альбо па тэл. (0048) 22 645 34 03.
3.Асабістыя дадзеныя апрацоўваюцца ў маркетынгавых мэтах на падставе дазволу карыстальніка.
4.Асабістыя дадзеныя могуць быць даступныя толькі для выканання паслуг, указаных у палітыцы прыватнасці.
5.Асабістыя дадзеныя не будуць перададзены за межы Еўрапейскай эканамічнай прасторы або міжнародным арганізацыям.
6.Асабістыя дадзеныя будуць захоўвацца на працягу 5 гадоў пасля адключэння профіля ў адпаведнасці з законам.
7.Вы маеце права атрымаць доступ да вашых асабістых дадзеных, выпраўляць іх, выдаляць або абмяжоўваць апрацоўку.
8.Вы маеце права забараніць далейшую апрацоўку; у выпадку, калі вы раней далі згоду на апрацоўку вашых асабістых дадзеных, вы можаце яе адклікаць. Ажыццяўленне права на адмену згоды не ўплывае на апрацоўку, якая адбылася да адклікання згоды.
9.Вы маеце права падаць скаргу ў назіральны орган.
10.Polskie Radio S.A. паведамляе, што падчас апрацоўкі асабістых дадзеных аўтаматычныя рашэнні не прымаюцца, а прафіляванне не ўжываецца.
Больш падрабязная інфармацыя знаходзіцца на старонках dane osobowe, а таксама polityka prywatności.
ЗГОДЗЕН
Беларуская Служба

Лех Валэнса: «Я хачу, каб у беларусаў усё атрымалася»

26.10.2020 18:05
Лех Валэнса на сустрэчы з Сяргеем Дылеўскім сказаў, што захапляецца адвагай беларусаў і жадае ім поспеху. 
Аўдыё
  • Лех Валэнса: «Я хачу, каб у беларусаў усё атрымалася»
Сяргей Дылеўскі і Лех Валэнсаfot.Bożena Maj

26 кастрычніка кіраўнік страйкаму МТЗ Сяргей Дылеўскі сустрэўся ў Гданьску з Лехам Валэнсам, лідарам гістарычнага прафсаюзу «Салідарнасць» і першым прэзідэнтам Польшчы. Сустрэча з лідарам, які перамог камунізм, супала з пачаткам народнай забастоўкі ў Беларусі. У офісе Леха Валэнсы абмяркоўваліся пытанні рабочых прафсаюзаў і маральнага духу страйкоўцаў. Сяргей Дылеўскі задаваў пытанні, Лех Валэнса дзяліўся ўласным вопытам кіравання стачкамам у 1980-я.


Сяргей Дылеўскі і Лех Валэнса Сяргей Дылеўскі і Лех Валэнса

Лех Валэнса падтрымлівае беларусаў, захапляецца іх адвагай і жадае поспеху. Першы прэзідэнт Польшчы выказаў гатоўнасць дапамагаць беларусам усімі спосабамі, пры гэтым падкрэсліўшы той факт, што асноўная праца зараз адбываецца ўнутры Беларусі.

«Тыя, хто апынуўся за мяжой, павінны забяспечваць фінансавую падтрымку і лагістыку, але асноўная ваша надзея – на чалавечыя рэсурсы, якія працягваюць змагацца ўнутры краіны. Мне вельмі хочацца, каб у беларусаў усё атрымалася», – сказаў Лех Валэнса. Ён дадаў, што беларусы павінны быць гатовыя да таго, што рэжым будзе перашкаджаць страйку ўсімі магчымымі спосабамі, але людзі не павінны гэтага баяцца. Менавіта забастоўкі рабочых набліжаюць перамогу народа над рэжымам.

«Барацьба працоўных за свае правы ў Польшчы была вельмі доўгай і цяжкай, яна расцягнулася на гады. Мы спадзяемся справіцца хутчэй», – заявіў Сяргей Дылеўскі. Былы кіраўнік страйкаму Мінскага трактарнага завода і член Прэзідыума Каардынацыйнага савета пакінуў Беларусь у сувязі з асцярогамі за ўласную бяспеку. Да гэтага Дылеўскі адбыў 25-дзённы арышт. 11 кастрычніка кіраўніцтва МТЗ вымусіла яго звольніцца, прыстрашыўшы пазбавіць працы бацькоў, якія таксама працуюць на МТЗ. Усяго Сяргей Дылеўскі прапрацаваў на МТЗ 12 гадоў.

«Нам у Беларусі не даюць рэгістраваць незалежныя прафсаюзы«, – казаў Сяргей. Лех Валэнса адказваў: «А вы не звяртайце на гэта ўвагу, задача рэжыму – ствараць вам цяжкасці. Важная не рэгістрацыя прафсаюза на паперы, важныя самі людзі».

Перад тым, як стаць на чале прафсаюз «Салідарнасць», Лех Валэнса быў электрыкам Гданьскай суднаверфі. У 1983 г. атрымаў Нобелеўскую прэмію міру, а ў 1990 годзе стаў першым прэзідэнтам Польшчы, прабыўшы на гэтай пасадзе пяць гадоў. «Салідарнасць» давяла да звяржэння камуністычнага рэжыму ў Польшчы, таму рабочых Гданьскай суднаверфі праз 40 гадоў памятаюць і шануюць ва ўсім свеце як герояў. Пасля Леха Валэнсы ў Рэспубліцы Польшча замяніліся чатыры прэзідэнты.

Сяргей Дылеўскі расказаў нам пра сустрэчу з Лехам Валэнсам.

слухайце аўдыёфайл

яс/Sasha Romanova, kyky.org