Міністр нацыянальнай абароны едзе ў ЗША, каб абмеркаваць, сярод іншага, пастаянную прысутнасць амерыканскіх войскаў у Польшчы. На наступны тыдзень запланаваны візіт у Вашынгтон. Найважнейшым пунктам парадку дня віцэ-прэм'ера міністра Уладзіслава Косіняк-Каміша будзе сустрэча з кіраўніком Пентагона Пітам Хегсетам.
Паездка ў Вашынгтон супадае са складанай сітуацыяй на ўсходняй мяжы Польшчы. Міністр Уладзіслаў Косіняк-Каміш сустрэнецца з кіраўніком Пентагона пасля серыі расійскіх удараў каля польскай усходняй мяжы і неўзабаве пасля азнаямленчага візіту амерыканскай дэлегацыі ў Варшаве.
Як паведамляла Польскае радыё на мінулым тыдні, візіт быў звязаны з пошукам найлепшага месца для будучай амерыканскай базы і патэнцыйнага месца, дзе ў будучыні можа быць пабудаваны завод па абслугоўванні ракет PAC-3 для сістэмы Patriot.
Польскі ўрад зацікаўлены ў вырашэнні абодвух пытанняў, і менавіта гэтыя пытанні будуць абмяркоўвацца падчас кансультацый з Пітам Хегсетам у Вашынгтоне.
ПР/юл