Права вета з'яўляецца законным элементам перамоваў з ЕС, лічыць кіраўнік Міністэрства замежных спраў Польшчы. Збігнеў Рау (Zbigniew Rau) падкрэслівае, што прапанаваны Еўракамісіяй механізм, які выплату сродкаў з бюджэту і фондаў ЕС ставіць у залежнасць ад ацэнкі вяршэнства закона, гэта спроба абысці асноўны закон супольнасці.
Паводле кіраўніка польскай дыпламатыі, згаданы механізм дае занадта шмат месца для палітычных інтэрпрэтацый:
- Такія фармулёўкі даюць магчымасць адвольна вырашаць не толькі пра еўразвязаўскія сродкі, але, за іх пасярэдніцтвам, таксама пра палітыку дэмакратычнага абранага парламента і ўрада.
Міністр замежных спраў падкрэсліў, што выхад Польшчы з ЕС, якім палохае апазіцыя, гэта „абсалютны абсурд”. Ён нагадаў, што Аб'яднаныя правыя сілы ніколі не фармулявалі такога пастулата.
аз