Міністэрства аховы здароўя Польшчы паведаміла аб 13397 новых выпадках заражэння каранавірусам Sars-Cov-2. За апошнія суткі ад гэтай хваробы памерлі 532 пацыенты. Найбольшая колькасць новых заражэнняў – 1700 выпадкаў выяўлена ў цэнтральным Мазавецкім ваяводстве.
Прэсавы сакратар міністэрства аховы здароў Польшчы Войцех Адрусевіч у чарговы раз заклікаў палякаў сустрэць новы 2021 год дома:
-У нас 13 тысяч новых выпадкаў. Калі мы не хочам падвоіць, ці патроіць гэтыя дадзеныя, мы павінны сустрэць новы год у вельмі абмежаваным коле, у коле блізкай сям’і, дома.
Станам на апошні дзень 2020 года ў Польшчы было пацверджана амаль 1 млн 295 тыс. выпадкаў заражэння каранавірусам Sars-Cov-2. Ад гэтай хваробы памерла 28,5 тысяч жыхароў Польшчы.
iar/эж