Кіраўнік канцылярыі прэм'ер-міністра Міхал Дворчык паведаміў, што да канца першага квартала 2021 года могуць быць прышчэплены да 2 мільёнаў 900 тысяч чалавек.
Упаўнаважаны ўрада па Нацыянальнай праграме вакцынацыі падкрэсліў падчас прэс-канферэнцыі, што колькасць прышчэпленых людзей залежыць ад колькасці дастаўленых доз вакцыны.
Міністр Міхал Дворчык паведаміў, што вакцыны трох вытворцаў будуць пастаўляцца ў Польшчу для патрэб Нацыянальнай праграмы вакцынацыі:
-Усё сведчыць пра тое, што на працягу першых трох месяцаў 2021 году мы можам разлічваць на пастаўкі прышчэпак трох вытворцаў – агульнай колькасцю 5 800 000. Гэта каля 2,9 млн прышчэпленых.
Кіраўнік канцылярыі прэмʼер-міністра Міхал Дворчык таксама паведаміў, што на сённяшні дзень у Польшчы прышчэплена 50 391 чалавек. На сённяшні дзень у Польшчу патрапіла 670 тысяч доз вакцыны Pfizer/BioNtech.
ав