Прэс-сакратар урада Пётр Мюлер абвясціў, што заўтра Еўрапейскі саюз павінен зацвердзіць другую вакцыну супраць COVID – 19. Гэта павінна было адбыцца ўчора, але тэрмін быў перанесены. Пётр Мюлер падкрэсліў у эфіры TVP Info, што інстытуты ЕС занадта марудныя ў гэтым пытанні.
Ён дадаў, што другая дазволеная вакцына можа паскорыць працэс вакцынацыі. У той жа час ён прызнаў, што правал інстытутаў ЕС у гэтай галіне бачны:
-Узнікае пытанне, чаму ў Вялікабрытаніі ці ЗША гэтыя прэпараты дапушчаныя, а ў Еўропе бюракратычныя машына працуе так павольна. Лідары еўрапейскіх краін салідарна падымаюць гэты аргумент. Спадзяюся, што ў сераду другі прэпарат будзе зацверджаны.
У панядзелак нямецкая бульварная газета «Bild» напісала, што па ініцыятыве міністраў аховы здароўя Германіі, Нідэрландаў, Італіі і Францыі рашэнні аб зацвярджэнні вакцын цалкам перададзены інстытутам ЕС. Па словах аўтараў артыкула, «катастрофа з вакцынамі ў ЕС пачалася з-за таго, што ЕС не ў стане забяспечыць дастатковую колькасць доз на рынку».
ав