Дзяржсакратар ЗША: «Польшча – верны хаўруснік і бясцэнны партнёр»

Дзяржсакратар ЗША і міністр замежных спраў Польшчы, у тым ліку, абмеркавалі «выклікі свабоднаму свету, сітуацыю ў Беларусі і наступствы расійскай агрэсіі супраць Украіны».

Image:

gov.pl

Дзяржаўны сакратар ЗША Энтані Блінкен зрабіў такі каментар пасля тэлефоннай размовы з міністрам замежных спраў Польшчы Збігневам Рау, падчас якой палітыкі абмеркавалі польска-амерыканскія адносіны і планы сумеснай працы ў Еўропе і за яе межамі.

«Рады сёння пагаварыць з міністрам замежных спраў Збігневам Рау, каб пацвердзіць цесны і трывалы характар польска-амерыканскіх стасункаў і садзейнічаць далейшаму супрацоўніцтву ў Еўропе і за яе межамі», – напісаў Блінкен у сваім Твітэры ў аўторак, 23 лютага.

Pleased to speak with Foreign Minister @RauZbigniew today to reaffirm the close and enduring nature of the Polish-American relationship, and to promote continued cooperation in Europe and beyond. Poland is a stalwart @NATO Ally and invaluable partner.

— Secretary Antony Blinken (@SecBlinken) February 23, 2021

У сваю чаргу Збігнеў Рау паведаміў у сваім Твітэры, што ён і Блінкен казалі пра «прыярытэтныя вобласці хаўрусніцкага супрацоўніцтва», уключаючы палітыку бяспекі, ініцыятыву Трохмор'е і «шкоднасць» расійскага газаправода «Паўночная паток-2».

Thank you @SecBlinken for a benevolent discussion☎️. We covered priority areas of the 🇵🇱-🇺🇸 allied cooperation regarding security policy, #3SI, #NS2 harmfulness, current challenges for the free world, situation in Belarus and the consequences of the RU🇷🇺 aggression against UA🇺🇦.

— Zbigniew Rau (@RauZbigniew) February 23, 2021

Палітыкі таксама абмеркавалі «выклікі свабоднаму свету, сітуацыю ў Беларусі і наступствы расійскай агрэсіі супраць Украіны».

pap/эж