З заўтрашняга дня дзіцячыя садкі і яслі па ўсёй краіне будуць зачыненыя. Згаданае рашэнне будзе дзейнічаць як мінімум два тыдні і было прынятае з-за трэцяй хвалі пандэміі каранавіруса. Хоць, як прызнае міністр аховы здароўя Адам Нядзельскі, у яслях і дзіцячых садках няма вялікай колькасці інфекцый, то неабходна абмежаваць колькасць людзей, якія штодня перамяшчаюцца і сустракаюцца:
- Звязаная з гэтым мабільнасць і неабходнасць увядзення дадатковых абмежаванняў прымусілі нас закрыць дзіцячыя садкі і яслі.
Дзіцячыя садкі і яслі будуць закрытыя, але не для дзяцей медыкаў і асобаў, якія працуюць у службах аховы правапарадку. Бацькі, якія застаюцца з дзецьмі дома, будуць мець права на дадатковае платнае звальненне з працы, нагадаў прэм’ер Матэвуш Маравецкі:
- Бацькі самых маленькіх дзяцей, якіх нармальна яны на час працы пакідаюць у яслях і дзіцячых садках, будуць ахопленыя дапамогай па доглядзе.
Пачатковыя і сярэднія школы таксама не працуюць да 11 красавіка. Дзеці з 1-3 класаў базавых школаў па ўсёй краіне вучацца дыстанцыйна з 22 сакавіка.
аз