Студэнтка Лодзінскага тэхналагічнага ўніверсітэту Оля Бэднарэк (Ola Bednarek) пераплыла канал Ла-Манш. 36 км з Францыі ў Англію дзяўчына плыла 13 гадзін 18 хвілін.
Паводле прынцыпаў, нягледзячы на халодную ваду, яна не магла апрануць гідракасцюм і ні на хвіліну не магла схапіць край лодкі, якая яе суправаджала.
Хутка дабрацца да берага перашкаджалі моцныя цячэнні, – расказала Оля Бэднарэк:
- Старт быў вельмі добры, я плыла роўным тэмпам і нават думала, што мне спатрэбіцца значна менш часу, каб пераплыць канал. Аднак пад канец пачаліся моцныя цячэнні і моцны адліў і таму доўгі час я амаль стаяла на адным месцы. Мне давялося прыкласці шмат высілкаў, каб прайсці праз гэтыя цячэнні і адліў.
Перайшоўшы Ла-Манш, Оля Бэднарэк стала першай у гісторыі полькай, якая заваявала Трайную карону па плаванні на адкрытых вадаёмах. У папярэднія гады яна абышла востраў Манхэтэн у ЗША і праплыла канал Каталіна ў штаце Каліфорнія.
яс