За прагаласавалі 234 дэпутаты, 173 былі супраць, 35 устрымаліся.
Гэта ініцыятыва прэзідэнта Анджэя Дуды. Згодна з праектам, каралеўскі палац Сасаў павінен стаць прасторай для культурных ініцыятыў ды ўстаноў, камяніца на вуліцы Крулеўскай стане сядзібай для ўправы Мазавецкага ваяводства, а палац Брюля - сядзібай Сената.
Першы палац у стылі барока на месцы пазнейшага палаца Сасаў быў пабудаваны пасля 1661 года. У першай палове 18 стагоддзя будынак набыты караль Аўгустам II Моцны з дынастыі Сасаў і зрабіў яго рэканструкцыю. Палац належаў каралям Саксоніі да 1816 года. Разбураны падчас лістападаўскага паўстання, пазней адноўлены і пашыраны.
У часы Другой польскай рэспубліцы ў палацы размяшчаўся Генеральны штаб Войска Польскага, у тым ліку Бюро шыфраў, дзе ў 1932 годзе польскія матэматыкі ўпершыню ўзламалі код Энігмы.
Пасля пачатку Другой сусветнай вайны і капітуляцыі Варшавы Саксонскі палац быў заняты немцамі, якія ў снежні 1944 г., адступаючы са сталіцы, узарвалі яго. Захаваўся толькі фрагмент аркад з магілай Невядомага салдата, створанай у 1925 годзе.
Цяпер законапраект трапіць на разгляд у Сенат.
ПР/юл