Музей «Аўшвіц» раскрытыкаў міністра замежных спраў Ізраіля Яіра Лапіда за яго заявы, у якіх абвінавачвае палякаў ва ўдзеле ў Халакосце. Музей параўнаў згаданыя выказванні да заяваў тых, хто адмаўляе Халакост.
Нагадваем, надоечы Лапід абвясціў у інтэрв’ю польскаму парталу Onet.pl, што «палякі супрацоўнічалі ў стварэнні і кіраванні канцлагерамі». «Палякі здавалі габрэяў немцам і такім чынам адпраўлялі іх на смерць», – сказаў кіраўнік МЗС Ізраіля. Ён таксама пераконваў, што нацысты невыпадкова стварылі свой цэнтр знішчэння ў Польшчы, бо ведалі, што польскі народ ім дапаможа.
Прадстаўнікі Музея «Аўшвіц» напісалі ў Твітары, што такая заява «вядомага ізраільскага палітыка таксама балючая, як выпадкі адмаўлення Халакосту».
«Выкарыстанне Халакосту ў якасці палітычнай гульні – гэта здзек над ахвярамі», – дадалі яны.
IAR/аз