У рамках дапамогі па барацьбе з пандэміяй каранавіруса, Польшча перадала іншым краінам амаль 7 мільёнаў дозаў вакцыны супраць COVID-19. Пра гэта ў Сейме паведаміла намеснік міністра аховы здароўя. Анна Галаўска(Anna Goławska) заявіла, што Польшча мае настолькі шмат вакцынаў супраць COVID-19, што можа імі падзяліцца з краінамі, у якіх не хапае прэпаратаў:
-Мы прадаем, або аддаем вакцыны. Да гэтай пары мы перадалі 7 мільёнаў дозаў, між іншым, у Тайвань, Аўстралію, Кенію, В’етнам, Нарвегію і Іспанію.
Нагадваем, Польшча атрымала амаль 60 мільёнаў доз вакцынаў супраць COVID-19. На сённяшні дзень выкарыстала амаль 36 мільёнаў 800 тысяч дозаў.
IAR/аз