Прадстаўнікі Міністэрства ўнутраных спраў Польшчы заявілі, што сярод нелегальных мігрантаў, якія прыходзяць з Беларусі, ёсць шмат людзей, што маюць сувязі з тэрарызмам, са сферай злачынстваў рознага характару.
На прэс-канферэнцыі міністраў нацыянальнай абароны і ўнутраных спраў былі прадстаўлены матэрыялы з мабільных тэлефонаў затрыманых. Здымкі і скрыншоты паказваюць на іх магчымую тэрарыстычную дзейнасць або прыналежнасць да ваенізаваных арганізацый. Таксама былі выяўленыя фотаздымкі ў смартфонах бежанцаў, якія паказваюць на датычнасць да сэксуальных злачынстваў.
Дырэктар Дэпартамента нацыянальнай бяспекі Станіслаў Зарын паведаміў, што былі правераныя асобы некалькіх сотняў нелегальных мігрантаў", якія незаконна перасеклі польскую мяжу з Беларуссю. 2/3 рэспандэнтаў былі накіраваны на працэдуру глыбокай праверкі, ужо папярэдняя інфармацыя паказвае на пагрозу бяспецы Рэспублікі Польшча ў сувязі з прысутнасцю гэтых людзей на нашай тэрыторыі, — цытуе Зарына Rzeczpospolita.
ВХ