Учора памежная служба зафіксавала 473 спробы незаконнага перасячэння польскай мяжы з тэрыторыі Беларусі. Гэта рэкордны паказнік з пачатку памежнага крызісу. Памежнікі прадухілілі ўсе спробы. «Гэта час надзвычай інтэнсіўнай працы і цяжкай службы для нас», – напісалі пагранічнікі ў Twitter.
З 1 верасня супрацоўнікі памежнай службы Польшчы затрымалі 116 чалавек за дапамогу ў арганізацыі незаконнага перасячэння мяжы. Учора было затрымана 5 такіх асобаў: грамадзянін Іраку са статусам бежанца ў Германіі, двое грамадзян Сірыі з нямецкім відам на жыхарства, грамадзяне Украіны і Польшчы
У сувязі з наплывам нелегальных мігрантаў, на пачатку верасня ў памежнай зоне з Беларуссю было ўведзена надзвычайнае становішча. Урад заявіў, што звернецца да прэзідэнта з рэкамендацыяй падоўжыць надзвычайнае становішча на 60 дзён.
нг