За суткі ў Польшчы былі пацверджаныя 1 344 новыя выпадкі каранавіруснай інфекцыі. Памерлі 23 пацыенты, заражаныя COVID -19, паведаміў намеснік міністра аховы здароўя Польшчы Вальдэмар Краска(Waldemar Kraska):
-1 344 новыя выпадкі – гэта ў параўнанні да мінулай суботы рост амаль на 47%.
Паводле дадзеных Міністэрства аховы здароўя, у цяперашні час у шпіталях з-за COVID-19 знаходзяцца 1 673 пацыенты. Да апаратаў ШВЛ падключаныя 174 асобы.
За суткі былі праведзеныя больш за 42,3 тысячы тэстаў на наяўнасць каранавіруса. Усяго ў Польшчы больш за 89,5 тысячы чалавек знаходзяцца ў каранціне.
Да гэтага часу поўны цыкл вакцынацыі ў краіне прайшлі 19 мільёнаў 489 тысяч 903 асобы.
IAR/аз