Штурм польскай мяжы працягваецца

Дзеянні Варшавы па перадухіленні міграцыйнага крызісу знаходзяць поўную падтрымку ў Брусэлі.

Польска-беларуская мяжа

Крыніца: sierż. szt. Maciuk/ Twitter/@StrazGraniczna

У аўторак, 12 кастрычніка Памежная варта Польшчы паведаміла, што напярэдадні адбылося 605 спробаў перасячэння мяжы Беларусі з Польшчай. Былі затрыманыя 13 нелегальных імігрантаў – грамадзян Ірака.

W poniedziałek 11.10 na granicy🇵🇱🇧🇾odnotowano 605 prób jej nielegalnego przekroczenia.Zatrzymano 13 nielegalnych imigrantów, wszyscy to ob.Iraku.

Za pomocnictwo funkcjonariusze SG zatrzymali 8 osób: 2 ob.Syrii,ob.Iraku,ob.Niemiec,ob.Turcji,ob.Ukrainy i 2 ob. Polski.#NaStraży pic.twitter.com/ajwHNDu9nB

— Straż Graniczna (@Straz_Graniczna) October 12, 2021

З пачатку года было зафіксавана больш за 17 тысяч выпадкаў нелегальнага перасячэння польска-беларускай мяжы, колькасць такіх спробаў імкліва павялічылася ў ліпені. Затрыманыя мігранты прыбываюць пераважна з Ірака.

Прэсавы сакратара кіроўнай у Польшчы партыі «Права і справядлівасць» Аніта Чэрвіньска адзначыла, што дзеянні Варшавы па перадухіленні міграцыйнага крызісу знаходзяць поўную падтрымку ў Брусэлі:

-Гэта гібрыдная вайна і ЕЗ гэта бачыць, ніхто ў гэтым не сумняецца. Рэакцыя Польшчы на крызіс на мяжы высока ацэньваецца замежнымі партнёрамі і Польшча будзе працягваць абараняць свае межы і межы Супольнасці.

З-за міграцыйнага ціску ў памежнай зоне з Беларуссю з 2 верасня ў 183 населеных пунктах Падляскага і Люблінскага ваяводстваў дзейнічае надзвычайнае становішча. Па просьбе Савета Міністраў, яно было ўведзены на моцы распараджэння прэзідэнта Анджэя Дуды на 30 дзён. 1 кастрычніка прэзідэнт Дуда падпісаў указ аб падаўжэнні надзвычайнага становішча на 60 дзён.

iar/эж