Адказваючы на пытанне ў эфіры тэлеканала TVN24, ці Польшча звярнулася да НАТА з просьбай правесці кансультацыі ў сувязі з інфармацыяй Памежнай службы аб тым, што беларускія памежнікі абстралялі польскіх салдат на дзяржаўнай мяжы, Марцін Ацепа запэўніў, што Польшча знаходзіцца ў сталым кантакце з НАТА.
«Пра першыя сімптомы гібрыднай агрэсіі паведамляла Літва. Тады адрэагавала НАТА. У гэты працэс задзейнічана спецыяльная група па стратэгічных камунікацыях і сам штаб НАТА», – сказаў намеснік кіраўніка Міністэрства нацыянальнай абароны Польшчы.
Віцэ-міністр абароны прызнаў, што Польшча ўвесь час кантактуе з саюзнікамі, але «не ў адпаведнасці з арт. 4 Паўночнаатлантычнай дамовы, у якой гаворыцца аб кансультацыях у надзвычайнай сітуацыі.
Пра такую неабходнасць заявіў лідар апазіцыйнай партыі «Грамадзянская платформа» Дональд Туск.
ав