У гэтую суботу, 30 кастрычніка, на гістарычных могілках «Павонзкі» ў Варшаве пачнецца 47-ы збор ахвяраванняў на рэстаўрацыю гістарычных надмагілляў. Цягам трох дзён сродкі будуць збіраць каля 250 валанцёраў.
Старшыня Грамадскага камітэта па ахове Старых Павонзкаў імя Ежы Вальдарфа Марцін Свeнціцкі(Marcin Święcicki) нагадаў, што летась з-за пандэміі збор сродкаў праходзіў праз інтэрнэт. Сёлета акцыя будзе мець традыцыйную форму:
-З раніцы да вечара можна будзе традыцыйна кінуць у скрынку ахвяраванні. Аднак таксама праз інтэрнэт можна будзе падтрымаць акцыю выратавання гістарычных надмагілляў на нацыянальнай некраполіі «Павонзкі».
Дзякуючы леташнім ахвяраванням, камітэту ўдалося аднавіць 17 надмагільных помнікаў. Як і кожны год, у мерапрыемстве прымуць удзел вядомыя акцёры, мастакі, журналісты, грамадскія актывісты, прадстаўнікі сталічнай мэрыі, дзяржаўных уладаў і палітыкі.
Збор сродкаў ініцыяваў заснавальнік камітэта – музычны крытык і журналіст Ежы Вальдарф у 1975 годзе. Ягоную ідэю падтрымалі тагачасныя варшаўскія эліты – акцёраў, навукоўцы, творцы і журналісты.
IAR/аз