Польшчы можа не хапіць вугалю на ацяпляльны сезон

Халодная зіма можа прывесці да таго, што Польшчы вычарпае запас гэтай сыравіны, – папярэджваюць эксперты.

zdjęcie ilustracyjne

shutterstock.com/MegSopki

Нягледзячы на пачатак ацяпляльнага сезону, запасы каменнага вугалю ў Польскай энергетычнай групе, якая з'яўляецца найбуйнейшым вытворцам электраэнергіі, значна меншыя, чым у аналагічны перыяд у папярэднія гады, чытаем на старонках газеты Rzeczpospolita. У выданні дадаюць, што тое ж самае адбываецца і ў іншых энергетычных канцэрнах.

Халодная зіма можа прывесці да таго, што Польшчы вычарпае запас гэтай сыравіны, – папярэджваюць эксперты. На іх думку, гэта можа стымуляваць рост імпарту каменнага вугалю з Расіі. І гэта будзе велізарным цяжарам, таму што вугаль на сусветных рынках падаражэў на 200%.

Між тым найбуйнейшы польскі вытворца вугалю – Польская горназдабыўчая група прама кажа, што не ў стане павялічыць здабычу за такі кароткі тэрмін. «Для імпарту вугалю альтэрнатывай зʼяўляецца зніжэнне коштаў на газ, якое знізіла б попыт на вугаль», – ацаніў сітуацыю на энергетычным рынку старшыня праўлення Польскай горназдабыўчай групы Томаш Рогала, а яго словы цытавала газета Rzeczpospolita.

эж