Польскі бок сцьвярджае, што ён непасрэдна не ахоўваў польска-беларускую мяжу.
Раніцай 7 лістапада салдаты, якія выконваюць лагістычныя задачы ў памежнай зоне, але па-за межамі зоны надзвычайнага становішча, убачылі, што іх калега мёртвы. Нягледзячы на спробы рэанімаваць салдата, лекар канстатаваў ягоную смерць, піша wojsko-polskie.pl.
Салдат служыў у 21-й брыгадзе Падхаланскіх Стралкоў.
Інцыдэнт адбыўся падчас адпачынку салдата. Ён не выконваў задачы, непасрэдна завязаныя з аховай польскай мяжы, служыў лагістам.
Аддзяленне вайсковай жандармерыі ў Любліне высвятляе прычыны смерці салдата.
"Радыё Свабода" / вх