Польскія памежнікі: Мінімум 800 чалавек спрабуюць перасекчы мяжу ў раёне Кузніцы

У ваколіцах Кузніцы Беластоцкай у дадзены момант можа знаходзіцца да некалькіх тысяч мігрантаў. 

Мігранты штурмуюць польскую мяжу, ваколіцы вёскі Кузніца, 8 лістапада 2021 года

Крыніца: PAP/Ministerstwo Obrony Narodowej

Не менш за 800 мігрантаў спрабуюць перасекчы польска-беларускую мяжу ў раёне памежнага пераходу ў Кузніцы, паведамляе Памежная варта Польшчы. Гэта самая буйная група мігрантаў, якая штурмуе мяжу з пачатку міграцыйнага крызісу.

Паводле інфармацыі Памежнай варты, ніводнаму з іх пакуль не ўдалося пранікнуць на польскую тэрыторыю. Аднак сітуацыя на месцы ўвесь час напружаная, – кажа прадстаўнік Памежнай варты прапаршчык Міхал Токарчык:

-Гэта ўжо перастала быць нармальнай аховай мяжы, памежным кантролем. Адбываецца масавая спроба сілавога перасячэння мяжы мігрантамі. На дадзены момант мы намагаемся не дапусціць перасячэнне мяжы выкарыстоўваючы сродкі пасярэдняга прымусу, напрыклад, слезацечны газ. Робім гэта дзеля перадухілення знішчэння агароджы, або каб не дазволіць мігрантам кідаць у памежнікаў камяні.

PSG Kuźnica:
Kolejne liczne grupy migrantów podprowadzane są przez białoruskie służby do linii granicy 🇵🇱🇧🇾. Migranci podejmują pierwsze próby siłowego forsowania granicy. Jesteśmy na miejscu @Straz_Graniczna, @PolskaPolicja ,@MON_GOV_PL #TrzymamyStraz pic.twitter.com/AM334Q1SiB

— Straż Graniczna (@Straz_Graniczna) November 8, 2021

Памежная варта Польшчы валодае інфармацыяй аб тым, што чарговыя групы мігрантаў хаваюцца ў лесе на беларускім баку. У ваколіцах Кузніцы Беластоцкай у дадзены момант можа знаходзіцца да некалькіх тысяч мігрантаў. Штурм мяжы мігрантамі запланаваны і арганізаваны спецслужбамі рэжыму Лукашэнкі.

iar/эж