Міністр нацыянальнай абароны Марыюш Блашчак заявіў, што ноч на польска-беларускай мяжы не была спакойнай. Было шмат спробаў яе прарваць. У Польшчу з Беларусі ўварваліся дзве групы мігрантаў. Кіраўнік Мінабароны паведаміў, што ўсе замежнікі затрыманыя.
Марыюш Блашчак запэўніў у эфіры Польскага радыё 1, што польскія службы ахоўваюць мяжу. «На мяжы знаходзіцца 15 тысяч жаўнераў Войска Польскага – іх колькасць можа павялічвацца па меры неабходнасці, ёсць памежнікі і паліцыя. Службы гатовыя забяспечыць бяспеку нашай Радзімы», – падкрэсліў ён.
Міністэрства абароны апублікавала ў Твітэры відэа, на якім бачна, як беларускія памежніік запужваюць мігрантаў стрэламі.
Дзве вельмі вялікія групы мігрантаў прарвалі агароджу ў ваколіцах Крынак і Белавежы. Адных людзей вярнулі на памежную лінію, іншых, пасля вобыску, затрымалі.
У абодвух выпадках агароджы былі гвалтоўна знішчаныя.
У раёне Кузьніцы Беластоцкай было больш менш спакойна. На беларускім баку не менш за некалькі тысяч чалавек. Як паведамляюць польскія службы, учора мігранты атрымалі ежу ад беларусаў. Замежнікі маюць намёты, спальныя мяшкі, а ўвечары распальваюць вогнішча, каб сагрэцца. За імі таксама пастаянна сочаць беларускія службы.
ав